खजुराले सुरुमा यो कार्यक्रम ल्याउँदा खजुरा बसोबास गर्नेकतिपयले यो अनावश्यक हो भन्न भ्याए । तिनै जसले अनावश्यक हो भनेर भनेका थिए, उनकै घरमा स्वास्थ्यकर्मिहरु पुगेर जेष्ठ नागरिकको हेरचार र उपचारमा सहयोग गरेपछि कार्यक्रमको प्रभावकारीताको प्रसन्सा गर्न थालेका छन ।
घरबाट स्वास्थ्य कार्यालयसम्म स्वास्थ्य चेकजाँच गर्न जान पनि मुस्किल पर्ने जेष्ठ नागरिकहरुका लागि स्थानिय सरकारले ल्याएको जेष्ठ नागरिकसँग अध्यक्ष कार्यक्रम बरदान सावित बन्दै गएको छ । घर घर सम्मै स्वास्थ्य सेवा पुगाउँछौं भन्ने बाचा जन प्रतिनिधिहरुले पुरा गर्दै छन । बाँकेको खजुरा गाउँपालिकाले जेष्ठ नागरिकसँग अध्यक्ष कार्यक्रम शुरु गरेपछि पालिकामा रहेका जेष्ठ सदस्यहरुले आफुले निर्वाचनका बेला आशा व्यक्त गरिएका कुराहरु पुरा हुदै गएको बताएका छन । वडा नम्बर ५ का ७५ वर्षिय दिल कुमारी रेग्मी घरमै स्वास्थ्य सेवा पाउँदा हर्सित छिन । सामान्य उपचार गर्नका लागी दिल कुमारलिाई अस्पताल सम्म जान अप्ठेरो छ । आफ्नो स्वास्थ्य अवस्थाका बारेमा घरमै बुझन र चेकजाँच गर्न स्वास्थ्यकर्मि आएपछि उनले सरकार आगनमै आएको महसुस गरिन ।
वडा नम्बर ६ का ७८ वर्षिय सन्त बहादुर सुनारले सोचेका पनि थिएनन्, कि स्वास्थ्यकर्मिहरु घरमै आएर सेवा गर्छन् भन्ने । जेष्ठ नागरिकसंग अध्यक्ष कार्यक्रममार्फत सुनारको घरमा उनको सुगर, प्रेसर तथा अन्य चेकजाँचका साथै औषधि समेत दिएपछि उनि अलमल्लमा परे । निर्वाचनका बेला मात्र सुनेका ति शव्दहरु अहिले पुरा भैरहेको भान भएको सुनारले बताए । जेष्ठ नागरिकसँग अध्यक्ष कार्यक्रम अन्र्तरगत हालसम्म १८ सय जेष्ठ नागरिक तथा अशक्तहरुको सेवा तथा उपचार गरिएको स्वास्थ्य तथा सामाजिक शाखा प्रमुख दिपक ढकालले जानकारी दिए ।
२३ सय जनालाई सेवा दिइने गरि लक्ष्य राखिएको स्वास्थ्य शाखा प्रमुख ढकालले बताए । कुनै पनि जेष्ठ नागरिकहरु उपचार बाट बन्चित नहुन र प्रत्येक जेष्ठ नागरिकको घर दैलोमा जसरी भएपनि पुग्न कर्मचारीलाई दिइएको निर्देशन अनुसार कार्य भैरहेको खजुरा गाउँपालिकाका अध्यक्ष डम्बर बहादुर बि कले जनाए । खजुरामा स्थानीय तहको निर्वाचन पछिको गाउँपालिकाको पहिलो गाउँसभाले नै ‘जेष्ठ नागरिकसँग अध्यक्ष” कार्यक्रम ल्याएको थियो । स्थानीय जेष्ठ नागरिकलाई स्वास्थ्य सेवामा पहुँच पुर्याउने उद्देश्यले ल्याइएको जेष्ठ नागरिकसँग अध्यक्ष कार्यक्रम अहिले प्रभावकारी बन्दै गएको छ ।
पालिकाले स्वास्थ्यकर्मी सहित प्रत्येक घर घरमा पुगेर ज्येष्ठ नागरिकहरुको सुगर,प्रेसर लगायत स्वास्थ्य परिक्षण गर्दै उनीहरुलाई आवश्यक परामर्श सहित निशुल्क औषधी वितरण गर्दै आएको छ । आफ्नै घरमा,निशुल्क सेवा सहितको औषधी उपचार पाए पश्चात घण्टौँ हिँडेर स्वास्थ्य संस्था पुग्नुपर्ने बाध्यताको अन्त्य भएको एक जेष्ठ नागरिकले बताए । आफ्नै घर आँगनमा स्वास्थ्य उपचार पाएपछि पालिकाका जेष्ठ नागरिकहरु अहिले स्थानीय सरकार भएको महशुस गरिरहेका छन् । नागरिकहरुको मन जित्न अझै यि र यस्ता प्रकारका नयाँ अभ्यासहरु स्थानीय तहले गर्न सके नागरिकले सिंहदरवारको अधिकार गाउँमानै आएको महशुस गर्न सक्ने जेष्ठ नागरिकको भनाई थियो ।
स्थानिय सरकारले ६८ वर्ष पुगेका जेष्ठ नागरिक तथा अशक्त नागरिकको घरमै गएर स्वास्थ्यकर्मिहरुले नियमित रुपमा मासिक एक पटक स्वास्थ्य परिक्षण कार्यक्रम सहित यो कार्यक्रमको शुरुवात भएको थियो । यसका लागि खजुरा गाउँपालिका बाट ४ जना स्वास्थ्यकर्मिलाई छुट्टै व्यवस्था गरि खटाइएको थियो । प्रत्येक स्वास्थ्यकर्मिलाई २ वटा वटा हेर्नेगरि व्यवस्था मिलाइएको स्वास्थ्य शाखाले जनाएको छ ।
खजुरामा ८ वटा वडा रहेका छन । स्वास्थ्यकर्मिले नियमित रुपमा सुगरको परिक्षण गर्ने, रत्तचापको जाँच गर्ने, कान तथा आँखाको परिक्षण गर्ने लगाएत सुगर प्रेसरको औषधि पनि निशुल्क वितरण गर्दै आइरहेका छन । यसका साथै भिटामिन लगाएत आखामा हाल्ने औषधि पनि निशुल्क प्रदान गरिएको छ । अस्पताल सम्म पुग्न नसक्ने जेष्ठ नागरिकका लागी यो कार्यक्रम अति उपयोगि र प्रभावकारी मानिएको खजुरा गाउँपालिका अध्यक्ष डम्बर बहादुर विकले बताए । जनतासंग प्रतक्ष्य जोडिने कार्यक्रम बनेकोमा आफु सगैं स्थानिय जेष्ठ नागरिक खुसी बनेको अध्यक्ष विकले बताए ।
Discussion about this post